ការណែរនាំ

សូមស្វាគមន៍មកកាន់ក្រុមហ៊ុនគណនេយ្យ អេនឌ្រូ & ភីលីព អឹខោនធីង (អេ & ភី អឹខោនធីង)

ខ្ញុំបាទសូមថ្លែងអំណរគុណយ៉ាងជ្រាលជ្រៅ សំរាប់ឳកាសក្លាយជា ជំនួយការ និង ទីប្រឹក្សា សំរាប់អតិថិជន ជាងមួយទសវត្សរ៍កន្លងមកនេះ។ ខ្ញុំបាទបានចាប់ផ្តើមក្រុមហ៊ុន អេនឌ្រូ & ភីលីព អឹខោនធីង ក្រោមបាវចនា (អាជីវកម្មរបស់អតិថិជន ជា អាជីវកម្មរបស់យើងខ្ញុំ) មានន័យថាខ្ញុំបាទ បានចាត់ទុក តម្រូវការ សារះសំខាន់ និង តម្លៃអតិថិជន គឺជា តម្រូវការ សារះសំខាន់ និង តម្លៃរបស់ខ្ញុំបាទ។ កន្លងមក ក្រុមហ៊ុន អេនឌ្រូ & ភីលីព អឹខោនធីង បានផ្តល់សេវាកម្ម ជូន អតិថិជនប្រមាណជាង ៣០០ អតិថិជន ទៅលើវិស័យ ផលិតកម្ម ជំនួញពាណិជ្ជកម្ម សេវាកម្ម សំណង់ អចលនទ្រព្យ ធនាគារ ហិរញ្ញវត្ថុ ឧស្សាហកម្ម កសិកម្ម អង្គការក្រៅរដ្ឋាភិបាល រួមទាំង ស្ថាប័នសាសនា ។

ប្រទេសកម្ពុជាគឺជាអាវុធមុខពីរ ល្អបំផុតសំរាប់អាជីវកម្ម និង បរិយាកាសអាជីវកម្ម ដ៍ទាក់ទាញ។ ទន្ទឹមនឹងកំណើនសេដ្ឋកិច្ចជាមធ្យម ៧% ក្នុងមួយឆ្នាំ កម្ពុជាក៏នឹងកំពុង់បន្តការអភិវឌ្ឍន និង ការកែប្រែ ទៅលើ ប្រព័ន្ធច្បាប់ បទបញ្ញត្តិ និង បែបបទការងារកាន់តែប្រសើរឡើង។ ផ្អែកលើ ជំនាញ ចំណេះដឹង និង បទពិសោធន៍ ខ្ញុំបាទប្តេជ្ញា ផ្តល់សេវាប្រកបដោយគុណភាព ដើម្បីកាត់បន្ថយហានិភ័យក្នុងការវិនិយោគ ព្រមទាំងបង្កើតភាពជាដៃគូ យ៉ាងស្និតស្នាលជាមួយគ្រប់ អតិថិជនរបស់ខ្ញុំបាទ។ សូមអរគុណ !